Inrinni May 1 atanga kum 18 leh 44 inkar te ram pum huapa vaccine pek tan turah Mizoramah chuan pek nghal theih a ni dawn lo.
Medical Operational Team chairman Dr. ZR. Thiamsanga chuan kum 18 chunglam te vaccine pe tura inbuatsaihnaah nimin khan Mizoramin a mamawh tur ang zat chu sorkar laipui leh company lamah te thlen a ni a ti a. Sorkar laipuiin allotment a siamah Mizoram mamawh ang chu rawn pe turah an ngai tih a sawi a, vaccine chu duh ang anga lei mai tur a awm loh avangin kum 18 atanga 44 inkar hnena vaccine pek tur chu May thla tir lamah an pek hman a rin loh thu leh thla laihawl velah chauh an pek theih a rin thu a sawi a. Tuna la mek leh dose hnihna la pek tur chu vawiin lamah nuai khat vel a rawn thlen beisei a ni tih a sawi.
Post a Comment