Karnataka-ah chuan nizan dar 9 atangin kar hnih chhung inkharkhip puan a ni. Inkharkhip hi thlaleh ni 12 zing dar 6 thleng kalpui tur a ni a. Nitin khawsak mamawh zawrhna dawrte chu zing dar 6 tanga chawhma dar 10 inkar chhung hawn phal sak an ni ang. Nimin khan CM  B.S.Yeddyurappa kaihhruaia cabinet meeting chuan he thutlukna hi a siam a. Bengaluru-ahte mipui vantlang veivahna lirthei bus, auto leh taxi te chu ni 14 chhung chhuah khap a ni a. Cinema hall leh intihhlimna hmun reng reng khar vek tur a ni bawk a. 

    Inneihnaah mi 50 aia tam punkhawm khap niin mitthih vuinaah mi panga bak punkhawm phal a ni lo a. Hmasawnna hnathawhna hmun leh thil siamchhuahna hmunte chauh hna thawh phal an ni ang a. Thingtlang lamah loa feh phal a ni a. Hetihlai hian Deputy CM Dr. C.N Aswath Narayana chuan Engineering leh Diploma Exam zawng zawngte sawn hlat anih thu a sawi bawk a ni.

Post a Comment

Powered by Blogger.