Nimin khan Chakma Autonomous District Council te chuan hri leng karah CADC Day 49-na chu Secretariat, Kamalanagar-ah sorkar dan zawm chungin hun an hmang.
CADC Day 49-na ah hian CEM Dg.Durjya Dhan Chakma chu khuallian a niin, India dan siamtu Dr. B.R Ambedkar beihna avangin Sixth Schedule hnuaiah keini Chakma fate’n Autonomous District Council kan neih te vawiin thleng a humhim ala ni hi a lawmawm hle a. Chuvangin, kan culture leh identity vawnhim kawngah theihtawp chhuahin tan kan la zel tur a ni, a ti.
CEM chuan, Chakma ten CADC kan neih theihna tura theihtawp chhuah a hma lo la tu, Dg.Sneha Kumar Chakma te leh kan hruaitu hmasa te kan hre reng a. Tin, kan hruaitu hmasa Dg. Krista Mohan Chakma, Dg. Baneshwar Chakma, Dg. Atul Chandra Chakma, Dg. Hari Krishto Chakma, Dg. Media Chakma leh Dg. Satyo Priyo Dewan te zahna chibai ka buk a ni, a ti.
CEM chuan tun sorkar ah hi chuan langtlang sorkar din kan tum a, chuvangin sorkar hnathawk te pawhin rinawm leh taima takin hna kan thawk tur a ni, a ti. CEM hian Adviser to CEM atan Dg.Rasik Mohan Chakma leh Dg.Buddhalila Chakma te chu Administration leh Political Affairs atan a ruat thu a sawi lang bawk a. An ni senior leader kaihhruaina nen CADC hian nasa takin hmasawnna kan kalpui dawn ani, a ti bawk.
CADC day hmanna hian MDC leh Staff thenkhat ten hun an hmang a ni.
Post a Comment