LEI MALSAWMNA AIIN VAN MALSAWMNA
Kumin hi Mizoram mipuite tan kan Kum chhiat kum a ni kan ti lo thei lovang. Kum kalta hri leng aiin kan tawrhna a nasa zawk a.Sorkar pawh a mangang a,khawtlang hruaitute pawh kum kalta aiin kan ralti ta zawk tih theih turin COVID-19 dona kawngah kum kal ta aiin kan thawn a zawi ta tlat mai.
Chutiang karah chuan khawi atangin nge kangmei hi a lo chhuah tih hriat thei si loh in Zoram hmun hrang hrang ah kangmei a chhuak a, khawtlang mipuite kan buai a, tlawmngai pawl te leh khawtlang hruaitute an hah em em bawk a. Sorkar pawhin tih bak ngaihna a hre lo bawk nen, kan ramngaw tha tak tak te a kang duai duai a, kan khua lah lum lam a pan zel mai bawk si. Ei leh bar ah kan intodelh loh avangin Kum tin lo kan neih a lo ngai a, lo kan vat a, sorkar in hal hun a tiha hal lo te avangin ramngaw tha tak tak te a kan chang tam tak a awm thin a ni. Kumin chu Kum dang zawng aiin Kang kan tuar nasa a, rilru thlamuang takin zan mu pawh kan tuah hman meuh lo a ni ber e.
Mi hlim thenkhat ten Pathian hremna a lo ngai pawl te pawh an awm leh ta a. Eng pawh nise, Kum dang aiin ruah tui kan dawng tlai a, Kohhran hruaitute pawh hian tih tur kan nei ve tih hi hriat a hun ta hle mai. Inkhawm kan nei thei lova, Kohhran committee ruahmanna in van Pathian hnenah lei malsawmna chauh ni lo,van malsawmna ruahtui dil a tawngtaina rawt a hun ta hle mai. Chutiang anih loh chuan kan ramngaw tha tak tak a Kang zel ang a, tui lamah harsatna nanem lo kan tawk ang a, ei leh bar a intodelh a hnekin kan tam ang tih pawh a hlauhawm tak zet a ni. Chuvangin, lei malsawm ringawt ngaihtuah lova, Van malsawmna kan dawn theihna tura kan tawngtai a hun tak zet ani.
Post a Comment