Tunhnai ah Zoram hmun hrang hrang ah kangmei a chhuak nasa hle a.Nitin leh darkar tin a kan chanchin hriat leh ngaihven ber pawh khawilai hmun nge Kang tih a ni deuh ber mai. Hemi rual hian hripui avanga harsatna kan tawh mek te hi kan hriat tel reng a tha a, kangmei avangin boruak chhia a kan khaw tual ah a tam tih hria ila, pawm chhuah loh leh hmaituamna kan hman uar a ngai nasa lehzual a ni.
Kan mithiam zawk te pawhin hetianga meikhu in kan khawpui a bawh viau hi chuan kum upa lam te phei chu an hriselna atan pawn chhuak lo hram se an duh hial a ni. Lo theih loh a pawn kan chhuak dawn anih pawhin hmaituamna vuah hram hram hi a tha hle mai. Sorkar thupek hlauh avang ringawt a hmaituamna vuah ni lova, kan hriselna ngaih pawimawhna avanga vuah nih hi kan tum a tha hle mai.
Hri avangin sorkar in hmaituamna vuah tur a ti a, lockdown anih hma phei kha chuan Bazar a chhuak mihring tam zawk khan kan vuah lo a ni. Kan fimkhur tlan a ngai hle a, sorkar thu kan zawm hian kan damna a ni tih hi kan hriat reng a tha hle. Hmaituamna kan vuah loh avangin ventilator vuah thei dinhmun ah kan ding reng tih hria ila. Kan ramin oxygen a neih loh zia kan hria a, oxygen rin ngai lo turin sorkar thupek zawm hram hram ang u.
Covid-19 avangin sorkar in inkhuahkhirhna dan a siam te hi a zawm tu kan nih a ngai a.Sorkar in inkaihhruaina dan a siam kan zawm loh avanga kan harsatna tawh theih tam tak sorkar in min hrilh hre tawh.Chuvangin, sorkar thuchhuah hi kan tan ani tih hria ila, zawm I tum theuh ang u.
Post a Comment