Chawngte Sub-Division Magistrate leh Incident Commander ni bawk S. Kaptluanga chuan Inrinni khan thuchhuah siamin, tunhnaia Borkolok-a Covid 19 vei hmuh a nih avangin contact tracing hna a awlsam zawk nan leh mipuite hri laka an him theh nan a hnuai a mi a mi ang hian thuchhuah a siam.
Thuchhuahin a tarlan danin, ni thum chhung 19-21 April, 2021 in Boropansuri, Kamalanagar, Ajasora, Borkolok, Seimeisuri leh Longpuighat khuate ah tumah an lutin an chhuak tur a ni lo. He order hi Sakeilui, Jognasuri, Damlui, Karlui, Vaseikai, Nghalimlui, Chawngte P, Chawngte L, Sumsilui, Sedailui leh Tuikhurluiah te pawh mipui him nan a tul anga la hman theih a ni ang a, loh theih lohna avanga he khuaa lut tur chuan Covid test an paltlang a ngai ang. Tin, Chawngte Sub-Division chhuahsan tur chuan Covid 19 Negative certificate an nei ngei tur a ni. He area-ah hian mipui chetvelna tlem thei ang ber turin ruahmanna kalpui tura ni a, Mask vuah lo chu man zel an ni ang.
He order bawhchhetu chu IPC Section 118 hmanga hrem theih an ni.
Post a Comment