BJP MIZORAM PRADESH PRESS
RELEASE : DATED THE 24TH APRIL 2021: NO.BJP/MZ/HQR/PR-30
Sorkar laipuiin PM Garib Kalyan Ann Yojana kaltlangin Buhfai May-June 2021 atan a thlawnin a pe leh dawn.
BJP Mizoram President, Pu Vanlalhmuaka chuan Covid-19 hripui leng thawhhnihna in India ram a nuai leh mek avangin, mitam takin ei leh bar zawnna kawngah harsatna kan tawk leh mek a, chuvangin, Central Sorkar chuan, mi harsa te tan buhfai kg 5 May leh June, 2021 thla hian a pe leh dawn a, a lawmawm hle a ni.
Nikum 2020 khan khan PMGKY hnuaiah hian buhfai a free in miharsa ten thla 8 chhung kan lo dawng tawh a, chutiang tho chuan tun kumah pawh hian mi harsa zual vaibelchhe 80 ten ei leh barah harsatna kan tawh lohna turin Pu Modia kaihhruai Sorkar chuan May leh June thla chhung a free in a sem leh dawn a , Mizoramah pawh nitin inhlawhfa leh miharsa zawkten ei leh bar ah harsatna an tawh lohna turin a dawng tur dik tak ten a hun taka an dawn theih nan, Mizoram Sorkar hian dik tak leh fel taka sem turin BJP Mizoram Pradesh chuan kan beisei a ni.
Pu Vanlalhmuaka chuan Sorkar laipuiin PM Garib Kalyan Ann Yojana atan hian Sum cheng vaibelchhe 26,000 a seng dawn a, India ram in hun harsa tak kan tawh lai a Prime Minister hmalakna hrang hrang te hi a fakawm kan tiin a ropui kan ti hle a ni. Keini Mizoram Kristian te, Kohhran ho te hian India ram hruaitute tan te, Health lama thawktu tan te, Frontline Worker hnathawktu hrang hrangte tan a, tawngtaia Pathian hnen a dilpui a, dinpui turin, BJP Mizoram Pradesh hmingin ka sawmin ka ngen che u a ni, a ti.
Pu Vanlalhmuaka chuan, “Mizoram mipuite Covid-19 hripui leng laka kan him theihna tura, Sorkar hmalakna te zawm a, hripui leng laka fimkhur taka mahni inenkawl theuh turin ka ngen in ka chahduh bawk a ni,” a ti bawk.
Issued By IT & Social Media Department BJP Mizoram Pradesh Headquarters, Aizawl Mizoram.
Post a Comment