June 18, 2024 (Rauthla) : 12-Lawngtlai Chandmary MDC, By-Election lo awm tur atan Pu F. Hrangtukhuma, ZPM Party Candidate chuan vawiin dar 1:10pm khan Lawngtlai DC leh District Election Officer Pu Cheemala Siva Gopal Reddy IAS, hnenah Nomination a file.
June 15, 2024 (Inrinni) khan ZPM Lai Dist Hqtrs Lawngtlai chuan an party office, Lawngtlai Bazarah Lawngtlai Chandmary MDC bial By-election candidate puanna inkhawm tawi an buatsaih a, Pu SL. Ngursailova Sailo, PAC member & Secretary, ZPM Election Committee chuan Lawngtlai Chandmary MDC bial by-election lo awm tur atan Pu F. Hrangtukhuma chu ZPM party official candidate a nih thu a puang a ni.
ZPM MDC candidate Pu F. Hrangtukhuma hi ZPM Lai District Headquarters Lawngtlai President Pu MC. Lalramchhana, Treasurer Pu H. Lungrualkima leh, Pu TC. Lalbuatsaiha GS, Pu P. Lalrinawma GS, Pu NT. Lalmuanzuala GS, Pu Lalhmingsanga Renthlei GS, Pu Samuel Laldawngliana GS, Pi C. Laledenmawii Secretary, Zonu Pi Lalchhandami, President Chandmary Zonu Unit te leh, a agents te'n an ṭawiawm a ni.
ZPM candidate Pu F. Hrangtukhuma leh amah ṭawiawmtu te'n nomination an file hma hian Lawngtlai East MLA Dr. Lorrain Lalpekliana Chinzah chuan a chenna inah Thingpui inhona neih puiin, tawngtaina in a thlah zui a ni.
Post a Comment