February 21, 2024 : Vawiin chawhnu dar 1 khan Vanapa Hall kawt Aizawl-ah NGO Coordination Committee buatsaihin Indo Myanmar ramri hung (Border Fencing) leh Free Movement Regime (FMR) hlih duhlohna punkhawm neih a ni.
He hun hi Pu H. Lalthianghlima, MZP President in a kaihruai a, Prof. Malsawmliana, NGOCC Secretary in report pein, Pu Lalhmchhuana NGOCC Chairman leh CYMA President ni bawkin thu a sawi.
Vawiin punkhawmah hian resolution pahnih siam a ni a, Vawiin (21.2.24) a NGOCC huaihawta mipui pungkhawm chuan India Sawrkarin Free Movement Regime (FMR) a hlip leh Indo- Myanmar ramri hung a tum hi tha kan ti lova, kan dodal tak zet a ni, tih leh Free Movement Regime ( FMR) tih thar leh a nih theihna tur leh Indo- Myanmar ramri hung (Border Fencing) tih tum hi thulh a nih theih nana NGOCC hmalakna hi kan thlawp tlat a ni, tihte a ni.
Post a Comment