Inthlan kum ani a, party hrang hrang ten boruak an siam thiam hle a. Mizoram a sorkarna chelh ngun ber Congress party thawm erawh a ring lo hle a. ZPM erawh inthlan hmasak ang bawkin an thawm a ring hle thung. Mizoram a sorkarna siam mek tu MNF party erawh rulling an nih vang nge an thil tha tih aiin an tih sual a langsar zawk hle a. Central a chak taka sorkarna kalpuitu BJP erawh an thawm hriattur a tam lo hle thung ani.
Party hrang hrang te in lawm luh leh party atanga chhuak an kat nuk a, lawm luh thawm hriat tur News hriat tur a awm reng bawk a. Party hrang hrang ten an manifesto tur an tlangzarh hun ah chuan eng party hian nge mipui hip ber hriat ani tawh ang a, chumi hunah chuan sorkarna siam thei tur party pawh a hria theih tawh ngei ang le
In lawmluh tam hi lawmna tur ani ngawt lova. Kan party chhungkuaa awm te hi an nghet em, tih hi ngaihtuah a ngai tawh zawk ani. Party chhungkua a lawm lo party a awm ve reng an awm thei a. Heng mite an lungawi loh chuan a boruak a, lo len ringawt kha ani mai. Chuvangin, eng party pawh in sorkarna siam tum in hma an la anih pawhin tuna an party chhungkua a awm te hi an ngheh leh ngheh loh an ngaihven zui zel pawh a tha awm em. Tunge sorkarna siam thei dawn tih hi mipui titi ani chho mek a. Social Media a sorkarna siam ringawt hi awmzia a neih loh avangin a tak rama sorkarna siam thei turin party hrang hrang ten theihtawp an chhuah a hun tawh tak zet ani e
Post a Comment