MIZORAM MERCHANT ASSOCIATION (MIMA), General hqrs. 

Press Release

MIMA OB LEH SBI HOTUTEN THAWHHONA CHUNGCHANG AN SAWIHO.

            Mizoram merchant Association (MIMA) OB te chu SBI hotute sawmna angin, SBI Regional Office, Zarkawt Babutlangah lengin, SBI hotute nen meeting neiin, Mizo mipuite Loan a harsatna sutkian dan tur hrang hrang an sawiho. He meeting-ah hian thil hrang hrang sawiho niin, MIMA hruaitute chuan hun kal tawha SBI an duh khawp lohna chi hrang hrangte an sawipuia, tuna an customer te laka an pianthar tak dante sawipuiin, mipui dawr chungchangah tha zawka hma la zel turin an ngena. SBI hotute pawhin mipui tana awlsam leh dawr nuam zawka an awmna turin theih tawp chhuah an tum thu MIMA hruaitute an hrilh bawk. 

                     He meeting in a tum ber, mi harsa zawk, mi rinawm ni si ten an lak theih tur, MUTRA Loan, quarantor ngai lo, Mortgage ngai lo bawk, 10lakhs thleng lak theihna, Prime Minister in mi harsate tana a tihchhuah chu, mizo mipuiten tangkai leh rinawm taka an laka, an hmanna tur kawng zawn dun a ni a. Sumdawng MUTRA LOAN duh chuan SBI HOUTUTE/MIMA hruaitute hnenah hrilha, Loan la duhten an lak theih nan hma inlakpui tawn turin sawiho a ni a, sawihonaah kan hlimtlang hle. Mizo Mipuiin tangkai taka he loan hi an laka an hman ngei pawh an beisei a ni. 

            Pawisa thir chungchangte sawiin, hemi chungchanga mipui harsatna awm thin pawh sutkian nan leh mipuiin an hriatthiam theih nan, MIMA, SBI leh Bank dangte nen khawlai lunlai deuha MELA la neih nise tihte pawh sawiho a ni bawk

            He meetingah hian SBI atangin pu David Lhouvum Chief Manager, pu Lalmawizuala Chief Manager, Pu Ramdina Manager, pi Teteii Dy. Manager leh pi Lalmalsawmi Manager, Electric branch te an tela, MIMA atangin, pu PC Laldinthara President, pu Laldawngliana vice President, Pu Malsawmkima treasurer leh Pi RMS Dawngkimi Secretary te an tel a ni.


Sd/-

      RMS Dawngkimi

   Secretary

Mizoram merchant association (MIMA), Gen. Hqrs. Aizawl.

Post a Comment

Powered by Blogger.