Lawngtlai, September 14, 2022 : Ni thum awh tur Lai Autonomous District Council hnuaia Hindi zirtirtute tana Orientation Training chu nimin khan LADC Conference Hall-ah Pu Andrew Laltlanzara EM i/c Education (MS) LADC in a hawng.
September 13-15, 2022 inkara Orientaton Training neih tur hawnnaah hian Pu Andrew Laltlanzara chuan, mihring te chu in zir zel tur kan nih thu sawiin, Hindi zirtirtute pawh he training hun hi hlawk taka hmang turin a chah a. Pu Andrew Laltlanzara chuan, ‘Hindi hi National Language a nihna angin LADC sorkar pawhin a ngaipawimawh hle a, Budget ah sum te dahin tih hmasawn tumin hma a la thin’ a ti a. ‘Hri ina rampum a tih buai avangin hun rei tak engmah hma la hleithei lova kan awm hnuin vawiinah hetiang training programme hlu tak kan department-in an buatsaih thei chu a lawm hle a, tih tak zetna nen he training hi hlawk taka chhawr tangkai theuh turin ka chah che u a ni’ a ti.
Nimin hun hmannaah hian Pi Vanbawithasung Chinzah, Dy. E.E.O (MS) pawhin thusawiin Hindi zirtirtute chu hlawk takin training hun hmang turin duhsakna a hlan a, trainees te hriat tur leh pawimawh a sawi bawk.
Training hawnna hi Pu Alex Lalzawmpuia, Hindi Education Officer LADC chuan a kaihruai a, Resource Person Pu C. Vanlalmalsawma, Hindi Faculty, DIET, Lawngtlai chuan Hindi zirtirtute hi training a pe dawn a ni.
Post a Comment