Lawngtlai, June 3, 2022 : Green LADC Day vawi 8-na chu vawiin khan hman a ni a, He ni puala inkhawm tawi hi Chief Executive Member Office tualzawlah hman niin, Pu V. Zirsanga, CEM chu khuallian a ni.
Khuallian Pu V. Zirsanga CEM chuan, Green LADC an hman tan atanga an thinphun te chuan zin an ti nuamin hmuh an nuam chho tan hle tih a sawi a. Thil tha chu midang tih atan dah mai lovin, kan zavaia mawhphurhna a ni tih hrenawn leh turin kal khawm te chu a fuih a ni. CEM chuan 'khawvel hmun hrang hrang leh India ram khawpui tam zawk te chuan 'Air Pollution' avang in boruak thianghlim hip tur an nei tawh lo, vawiinia mite hian thing leh mau kan venhima, kan tihpun loh chuan vawiin ni a Delhi khawpui boruak bal tak leh lum tak mai ang khu kan hmabak a ni ve thei a ni tih hrethiam a, thing leh mau phun uar sauh sauh turin Lairam mipui zawng zawng ka sawm che u a ni' a ti..
Pu K. Lalramliana, Addl. Executive Secretary, LADC kaihhruai inkhawm tawiah hian Pu K. Lalromawia, DCCF, LADC chuan report pe in, report atanga a landanin, Green LADC Committee hi kum 2014 kum khan din a ni a, kum 2015 atang khan kumtin in thing phun thin a ni a, Kum 7 chhung khan thing tiak 1926 phun tawh niin, kuminah thingtiak bul 480 phun leh tur a ruahmanna siam a ni tih tarlan a ni..
Kumin Green LADC Day LADC Main Office-a department hrang hrangte chuan KMMTTP kawngpui sirah thingtiak phunin hun an hmang a, Sub-Hqrs. leh Divisional office-te pawhin thingtiak phun leh phunsa samfai leh hungthain hun an hmang bawk a ni.
Post a Comment