Insawifiah turin Education Minister phut
ZPM thalai chuan, NABARD atanga sum puk zozai kha a hmanna tur dik takah hman a ni lo em ni tih mipui hmaa sawifiah turin Education Minister, Pu Lalchhandama Ralte an phut tih an sawi.
Tuialhthei phur turin ruahman mek
Supply Minister K Lalrinliana'n Aizawl leh a chhehvela filling station-ah petrol normal litre 130000, XP litre 31000 vel leh diesel litre 230000 vel a awm meka chhut a nih thu leh truck 24 hmanga Guwahati-a tuialhthei phur tura ruahman mek a nih thu a sawi.
Raltlan ten thisen an pe
Myanmar ram buai avanga Mizorama raltlan mi 48 (mipa 36 leh hmeichhia 12)-in nimin khan Civil Hospital, Aizawl-in a tula a hman turin thisen an pe.
Myanmmar Rum man
Dan lova thil tawlh ruk dona kal zelah Champhai Police leh 2nd Assam Rifles, Hnahlan Post tangrual chuan niminpiah khan Champhai leh Darkhai (Myanmar) inkarah Myanmar Special Rum um 3956, Rs. 1,97,700 man hu chu 207 pickup, atangin a neitu Lalhunliana (42) s/o Lalthlengliana leh Lalsawithanga (25) s/o Phairomawia, Hnahlan khua ve ve nen an man. He thil hi chhui chhunzawm mek zel a ni.
Skill Training hawng
Nimin khan Agriculture Conference Hall Lungleiah ni hnih chhung awh tur Skill Training of Rural Youth Training Programme on Vermi Composing (Changpat hmang a leitha siam dan) chu Lunglei MJA President Pu Laltlanthanga'n a hawng.
Opposition-a thu turin kan inbuatsaih - M. Laikaw
Nimin khan Pu M.Laikaw MDC, Siaha District BJP President chuan thuthar lakhawmtute a kawmna ah MNF & INC sorkar thar piang tur chu an lawmpui thu leh opposition a thu turin an inbuatsaih thlap tawh tih a sawi.
Post a Comment