Siaha, May 6, 2022 : Nimin khan Mara Autonomous District Council inthlan vote thlak tluang taka neih zawha ni a, vote zaa 85.30% a tla.

MADC MDC thlanna tura vote thlak hi nimin zing dar 7:00pm atang khan tluang taka neih a ni a, vote hi a tla tha thawkhat  hle a, tlai dar 5 thleng vote thlak hun hawn a ni a, Vote tlak thatna ber Polling Station chu Riasikah a ni a, zaa 98.95% a tla. Vote tlak tlemna ber Polling station chu New Siaha west-II niin, zaa 72.50% a tla thung.

Hriat theih chingah he inthlana vote thlaktu zinga upa ber chu kum 96 mi Pi.Rothangi, College Vaih-II a ni.

12th MADC General Election-ah hian MDC Constituency-25 awmin, Polling Station 81 a awm bawk. Voter 42,326 awmin, Candidate 85 an awm. BJP, INC, MNF leh ZPM party bakah Independent Candidate te an ni.

Inthlan vote thlakah hian harsatna lian tham thleng a awm lova, vote tla te hi May ni 9 chawhma dar 10 ah chhiar a ni ang.

He inthlanah hian MNF party chuan seat awm zawng 25 an chuh fai a, rorellai BJP in  pawhin seat 25 ah 24 an chuh a, INC in seat 25 ah 23 ah chuh bawk a, ZPM seat 25 ah seat 8 an chuh a, Independent- 5 an awm bawk. Tihian he inthlana chuh candidate zawng zawng zat chu mi 85 an ni. 

Post a Comment

Powered by Blogger.