Lawngtlai, April 02, 2022 : Tukin zing dar 7:30am khan Lawngtlai East bialtu MLA leh Agriculture Development Board Vice Chairman ni bawk Pu H. Biakzaua chuan Council Veng Health Sub-Centre Clinic a hawng.

Hawnna inkhawm tawi hi Dr. LP Malsawma, CMO, Lawngtlai District chuan kaihruaiin, 'he Sub-Centre Clinic hi a taka a function theihna tur hian MLA Pu H. Biakzaua'n theihtawp a chhuah a, a chungah kan lawm hle a, a tihphuisui kawngah Department lamin á¹­an kan chho zel dawn a ni' a ti a, helai thawk tur pawh MLA in a ngaihtuah vek a ni a ti.

Pu H. Biakzaua chuan 'helai hmun hi veng chhung mamawhna avangin Sub-Centre Clinic ang deuha hun rei tak hman a ni a, phuah chawp deuha kal a ni. A taka a function theih nan Sorkarah kan dil a, ka bial chhungah Sub-Centre Clinic hi hmun 11 ah hawn min phal sak a, chung zingah chuan Council Veng pawh hi a tel a ni' a ti a. 'Lawngtlai khawpui chhungah Sub-Centre Clinic hi hmun 4 ah din tur a ni a, Council veng bakah Bethel Veng, Chandmary Veng leh Electric Veng ah te hawn leh tur a ni a ti bawk.

MLA Pu H. Biakzaua chuan 'Lawngtlai District hi health sector-ah kan sang lova. Hei hi MNF sorkar hian a ngai pawimawh a, helama kan á¹­an chhoh theihna turin CM Zoramthanga chuan hmalak thuai thuai á¹­ha a ti a chak takin hma a la bawk' a ti a. 'CM leh Health Minister Dr. R. Lalthangliana ten mipui hrilselna tur an vei a, theihtawpin á¹­an an la a, hetiang dinhmun hi kan thleng ta a ni' a ti a, MNF sorkar chungah leh CM leh Health Minister chungah lawmthu a sawi bawk. 

'Hriselna chungchangah kan inthlahdah a, hma kan sawnna turin thingtlang lamah hriselna leh faina chungchangah awarness neih á¹­hin a ni a. Health Department. in á¹­an an la nasa a, an chungah pawh lawmthu ka sawi' Pu H. Biakzaua chuan a ti a. 'Council Veng Sub-Centre Clinic hi ANM pakhatin a vil dawn a, helai hmunah hian hmun danga kal ngai lovin, veng chhung mamawh ang engkim a tih theih dawn a ni' a ti a. 'Sub-Centre Clinic ataka a function theihna tur hian VC ten á¹­an an la nasa a. Heng kan thil neihte hi a te emaw a lian emaw a venhim leh tihhmasawn zel dan tur ngaihtuah zel a ngai a. A enkawl zuina turah vengchhung mipui ten mawh kan phur a ni' a ti bawk.

MLA Pu H. Biakzaua hi BN Thangpuia, EM i/c Art & Culture etc, C. Hrangthianga, EM i/c Revenue etc, Hc. Lalthawmliana, EM i/c Industry etc, JB Vanhoy, EM i/c Social Werlfare etc, C. Rongura, EM i/c LAD etc, L. Lalhmachhuana, Diltlang bialtu MDC, V. Zathanga, Bualpui NG West bialtu MDC, CL Lianzuala, Cheural bialtu MDC, Lalramliana Colney, President, MNF Dist. Hqrs. Lawngtlai leh Lalzahawma Chinzah, Treasurer, MNF Dist. Hqrs. Lawngtlai ten an tawiawm a ni. 

Hawnna inkhawm tawiah hian Upa H. Thansanga'n hunserh a hmang a, Pu T. Rosangpuia, VCP Council Vengin lawmthu a sawi bawk.

Post a Comment

Powered by Blogger.