AH & Vety Department, Lai Autonomous District Council leh Department of Veterinary and Animal Husbandry Extension CVSE Central Agricultural University; Mizoram ten indawrna an neih bawhzuina leh a vawi khatna ni turin Vawk vulhtute pualin inzirtirna, 'Scientific Management of Pig' tih thupui hmanga ni hnih awh training an buatsaih chu nimin khan zawh fel a ni.
He inzirtirna hunah hian LADC hnuaia AH&Vety Department chuan Trainees tura thlan bik mi 30 te hnenah Vawk vulh leh a kaihhnawih lam hawi zirtirna an pe a ni. Central Agricultural University; Mizoram leh AH&Vety Department LADC ten in remna thuthlung an siam tawh bawhzuinaah hian Ar leh ran dang vulhtute pualin zau zawkin zirtirna kalpui zel an tum thu leh tunkar Nilaini hian Vawk vulhtute puala inzirtirna hi Bungtlang'S' khuaah neih leh tur anih thu Dr. Lalnunpuia Chinzah, DCVO LADC chuan a sawi bawk.
He ni hnih awh training ah hian Dr. Lalhumliana Tochhawng, Asst. Professor leh Dr. Lanunpuia Chinzah, DCVO ten zirtina an pe a ni.
Post a Comment