Vathuampui, March 26, 2022 : Pang Zirlai Pawl (PZP) chuan vawiin khan thuchhuah siamin Mizoram sorkar in March 25, 2022 a Council of Ministers Meeting a neih á¹­umah Tlabung leh Kawrtethawveng chu RD Block-ah a hlankai laia Vathuampui chu RD Block a dah tumna a nei lo chu hriatthiam har an tih thu an sawi a, Vathuampui Area-a cheng hnam hrang hrang leh Pang hnam te chu an rilru a na hle tih an sawi.

PZP chuan March 25, 2022 zan khan Pu Lalruatkima, RD Minister chu an hmu tih sawiin, hetah hian Vathuampui RD Block-a dah a ni lo chu pawi an tih thu an hrilh. PZP chuan Population base-a Vathuampui chu RD Block-a dah a nih dawn chuan a tling ngai dawn lova, Micro-Minority Pang leh Bawm Area ang zawnga Special Treatment pe turin an ngen bawk. Tin, PZP chuan Longpuighat-a APO office run tumna awm mek chu tilo turin sorkar an ngen a, office hi run a nih chuan Communal Conflict a awm tur thu an sawi.

PZP chuan kum 1966-1986 chhunga MNF ten Mizoram tan zalenna an sual avangin Pang fa ten nunna tam tak an chan tih an sawi a. Sipaiah tam tak an lut a, khaw bila nunna chan tam ber an ni tih an sawi bawk. PZP chuan MNF sorkar chu Vathuampui khua leh Pang fate ngaihsak turin an phut bawk a ni. 

PZP chuan hetianga Mizoram sorkarin Pang fate thliarhranna a nei zel a nih chuan Mizoram state nuam ber leh zalen ber chu ram buai takah a chhuah an hlauh thu an sawi. 

Post a Comment

Powered by Blogger.