Lawngtlai, January 20, 2022 : Vawiin January 20, 2022 khan Pu V. Zirsanga, CEM LADC chuan Skill Development Centre leh Tribal Girls Hostel sak mekte tlawhin, an hnathawh dan a hmunah a enfiah.
Ministry of Tribal Affairs, Government of India hnuaia Special Central Assistance to Tribal Sub-Scheme (SCA to TSS) atangin LADC hian Project Pathum (3), Construction of Skill Development & Training Centre, Multi Modal Road (Chandmary), Construction of Tribal Girls Hostel, Lawngtlai Vengpui, Construction of Community Centre, Vawmbuk te a hmu a. Heng project te hi kum 2020 atanga hna tan a ni a; Covid-19 hrileng karah pawh hnathawh chhunzawm zel niin, hna hi za a sawmkua (90%) thawh zawh tawh a ni. Project atan hian 1st leh 2nd Installment hi hmuh tawh niin; sum la bang hi pek chhuah a nih theih nan Social Welfare & Tribal Affairs Department, Gov't of Mizoram ah dilna hi thawn mek a ni bawk. Heng project te hi 31st March, 2022 ah chuan sak zawh (Commission) hman tum a ni.
CEM hi Pu VL. Hmuaka, Chairman LADC, Pu Andrew Laltlanzara, EM i/c Education (M/S), Pu Lalropuia Chinzah, EM i/c I&PRD, Pu H. Lalramenga, Exevutive Secretary, Pu V. Vanhrinlian, P&DO, Pu Lalhmachhuana, EO (MS) leh official dang ten an tawiawm a ni.
Post a Comment