Lawngtlai 09 July, 2021 : Pu Ngunhuma (57), M. Kawnpui khua, Lawngtlai District chu vawiin July ni 9, tlai dar 4 khan COVID-19 vangin ZMC-ah a boral. July ni 5 khan hri a kai tih hriatchhuah niin hemi ni vek hian ZMC ah admit nghal a ni.
Pu Ngunhuma te chhungkua hi member 8 niin, M. Kawnpui Hermon Vengah an cheng a, EFCI Kohhrana lawi an ni.
A ruang hi zanin hian M. Kawnpui lamah phurh phei tur a ni a, YLA M. Kawnpui Branch hruaitu ten an lo dawngsawng dawn a, a vui dan turah ruahmanna an siam mek thu YLA M. Kawnpui Branch hruaitute chuan an sawi.
Pu Ngunhuma hi a fapa in ZMC-ah a awmpui a. A fapa pawh hi a positive avangin a ruang hi a rawn zui thei dawn lova. Kawnpui khua Aizawl a awm Pu Lalbukliana leh JB.Remsangliana ten a ruang hi an rawn zui ang.
Tihian Lawngtlai District-ah Covid-19 vangin mi pahnih an boral tawh. July 5, 2021 khan Kamalanagar III a mi, Pi Shanda Provo Chakma chu Covid-19 avang hian a lo boral tawh bawk a ni.
Post a Comment