June ni 13, 2021, Pathianni tlai dar 3 a boral, Chhuanthar, Baktawnga an hotupa Zionnghaka (Ziona) chu naktuk June 17, Ningani hian vui a ni dawn.

 

Kum 76 mi, Ziona ruang hi Chhuanthara 'Hmung thianghlim' an tih ah zalh a ni dawn a, thlan khur pangngai ang a laih a ni lo a, thlan in sak niin, chutah chuan zalh a ni dawn a ni. Vui hun tur tak erawh hriat mai theih a la ni lo a, rin dan ah chuan naktuk June ni 17 chawhnu her lam vel a nih rin a ni.
 
Khawvela chhungkaw lian ber' dintu an tih thin Ziona hian nupui 39 a nei a. Khawvel hmun hrang hranga thuthar thehdarhtute pawhin tum eng emaw zat an kawm tawh a ni.
 
Ziona hi June ni 13, 2021, Pathianni tlai khan Trinity Hospital, Melthum panpui a ni a, damdawiin thlenpui a nih chuan a lo thi tawh a, damdawiin a chhinchhiah a nih dan chuan tlai dar 3 ah a thi a, kum 76 mi niin, thisen sang leh zunthlum nei a ni.

Post a Comment

Powered by Blogger.