Tarlan tawh angin Serchhip Bial MLA Bye Election neih zawh takah MNF party Candidate leh MNF Vice President Pu Vanlalzawma chuan Lalduhoma chu Vote 2950 zeta a hneh loh hnu in Dt 3.May,2021 khan MNF party a anihna atanga chawlh a dil thu tarlan a ni tawh a. He thu hi MNF party hruaitu ten an ngaihtuah hnu in a dilna chu pawm sak lovin, Vice President hna chu chelh zui zel turin an ngen a ni.
Hetiang hian MNF President Pu Zoramthanga chuan Dt 4.5.2021 khan Pu Vanlalzawma hnenah chawlh a dilna a chhang let.
Kum 2021 Serchhip Bial MLA Bye-Election a I tlin loh avangin I mawhphurhna (moral responsibility) anga ngaiin Party-a I hna chelh lai MNF party Vice President atanga chawlh I dilna kan lo hmu a. Hotuten ngun taka kan lo thlir hnu in I mawhphurhnaa ngai a, he thil I tih hi ropui leh zahawm kan ti a. Amaherawhchu, hei hi nangma mawhphurhna bik ni lovin Party hnathawktute zawng zawng mawh ani zawk a. Chuvangin, chawlh I dilna hi pawm chi niin kan hre lova. Tlawmngai tak leh thahnem ngai taka Vice President I nihna hi lo chelh zui zel turin kan ngen che a ni e.
A hnuaia Pu Zoramthanga, MNF President in signature a pe a ni.
Post a Comment