Lawngtlai 8 May : Covid-19 hri leng mek avangin Lawngtlaia veng hrang hrang VLTF te chuan Community Quarantine Centre an buatsaih.
Community Quarantine Centre buatsaih nan hian an veng chhunga hmun remchang, Kohhran Hall, YLA Hall leh School remchang te hman a ni a, hetah hian State pawn atanga lo hawte leh Aizawl atanga lo hawte an dinhmun a zirin dah an ni.
Lawngtlai III chuan Salem Hall ah leh CYLA Hall ah Community Quarantine Centre hi an siam a, tunah hian mi 10 dah mek an ni.
Electric Veng, Lawngtlai chuan PWD Inspection Bungalow-ah CQC hi an siam a, tunah hian mi 2 an awm mek.
Lawngtlai Vengpui chuan YLA Hall, Section Property House leh Primary School chu CQC atan an hmang a, a awm ho hi nimin khan an chhuak fel chiah a ni.
New Vengpui chuan Don Bosco School chu CQCatan an hmang mek a, tunah hian mi 6 dah mek an ni.
Lawngtlai College Veng chuan Govt Lawngtlai College chu CQC atan an buatsaih mek a, dah luh tur an awm hun hunah hman theih tura peih fel a ni tawh.
Council Veng chuan Council Veng Primary School chu CQC tan an ruahman mek bawk.
AOC veng chuan CQC hi ruahman an tumna a rei tawh a, mahse an veng chhunga building tha te sorkar lamin an hman deuh vek avangin hmun tha an nei lova, CQC hi an la kalpui lo a ni.
Bethel chuan CQC atan hian Sub-Centre an hmang a. Bethel Veng CQC hi a ruak mek a ni..
Chawnhu chuan Pastor K. Thanzinga Memorial Middle School hmang turn inbuatsaihna an kalpui mek.
Bazar Veng chuan Presbyterian Kohhran leh BCM Bazar Kohhran Hall an hmang. Heng Kohhran Hall pahnihah te hian mi 7 an awm mek a ni.
Tin, Chandmary veng pawhin Primary School I chu CQC atan an hmang a, tunah hian a ruak mek a, a awm mek ten an chhuah san fel chiah a ni.
Heng Community Quarantine Centre-a awmte ei leh in tur leh in senso te hi veng chhunga tlawmngai ten an thawhkhawm thin a n
Post a Comment