Tweet Share Share Share Share Share

September 25, 2024
September 25, 2024, Lawngtlai : Vawiin chawhma dar 10:30 khan Urban Development & Poverty Alleviation (UD&PA) bultumin 'Cleanliness Week 2024' hawnna inkhawm chu Deputy Commissioner Office Complex, Electric Veng, Lawngtlaiah neih a ni a. Pu Cheemala Siva Gopal Reddy, IAS, District Bawrhsap leh Chairman, District Level Steering Committee on SHS ni bawk chuan khuallian niin a hmanpui.


Pu Cheemala Siva Gopal Reddy, IAS chuan 'Cleanliness Week' hawnna inkhawm a sawrkar department hrang hrang hotute, NGO leh Zirlai lo kal khawmte hnena lawmthu a sawi a. India ramin faina leh thianghlimna kawnga rahbi thar kai turin kum 2014 khan 'Swachh Bharat Mission (SBM)' a lo tan tawh tih tarlangin, chumi chhunzawm zel nan chuan Swachhata Hi Seva (SHS) hi kalpui a ni, a ti. Faina leh thianghlimna kawngah hmasawnna tur tam tak a awm a, sawrkar department pakhat kutah engkim dah theih a ni lo tih sawiin, sawrkar, NGO, Kohhran leh khawtlang mipuite tan ho a ngai tak zet, a ti.

Faina beihpui thlak tura 'Cleanliness Week' hawn a ni chu lawmawm a tih thu tarlangin, Bawrhsap chuan he hun hman hun chhung chauha duh tawk mai lo a, fai leh thianghlimna chu a taka nunpui a tul hle a ti a. Khawvel ram changkang leh ram nuam ber ber te hian Faina lamah theihtawp an chhuah thin tih sawiin Pu Cheemala Siva Gopal Reddy chuan ram nuam leh chhenfakawm siam tur leh Lawngtlai khawpui ngei pawh a lo fai a, a lo thianghlim zawk theihna tura theihtawp chhuah thin turin Lawngtlai mipui zawng zawngte a sawm nghal bawk.

Pu Netralal Jaisi, EE, PHED chuan report pein, Safai Apnao Bimaari Bhagao (SABB) chu July ni 14 atanga ni 31, August chhung kalpui a ni, a ti a. Hemi hun chhung hian Lawngtlai khawpui chhunga Zirna In hrang hrang leh Anganwadi Centre-ah te Awareness Campaign neih niin, Lawngtlai khawpui chhung a veng hrang hrang ten Vengchhung thenfai hnatlang an nei bawk a ti. Swachhata Hi Seva 2024 (Urban) chu September ni 14 atang khan kalpui tan niin, Lawngtlai khawpui chhunga sawrkar Offfice leh zirna Inah te Faina thutiam sawihona neih a nih thu tarlangin, Kohhran hrang hrangten Biak In in leh a vel tihfai hnatlang thawkin; NGO -ten Faina hnatlang an nei bawk a ti. Swachhata Hi Seva 2024 (Gramin) hnuaiah Swachhata Mein Bhagidari (Faina hnatlang/ pledge/ Gram Sabha leh Quiz) chu khaw -18 ah neih tawh a ni, a ti a. Celanliness Target Unit (Bawlhhlawh a hmun ni lova paihna hmun zawnchhuah) bikah khaw - 42 ah zawnchhuah tawh niin, khaw -24 ah a tihfai hnathawh tawh a ni, a ti. September ni 24 khan Sanitation Workers, LADC leh PHED tuisem te hriselna endik sak niin, Swachhata Hi Seva puala faina lam inzirtirna (Awareness) leh kawngzawh (Rally) chu thingtlang khuaah neih chhunzawm mek zel a nih thu a sawi a. Swachhata Hi Seva 2024 chu October ni 2 thleng kalpui tura ruahman a nih thu a tarlang bawk.

Vawiin 'Cleanliness Week 2024' hawnna inkhawmah hian Faina lama thu intiamkamna 'Swachhata Pledge' sawirualna neih niin, Pi Margaret J. Vanlalremmawii, DPO, UD&PA chuan lawmthu sawina neiin hun a khar.
Read more »
Tweet Share Share Share Share Share

September 24, 2024

September 24, 2024 (Rauthla) : Vawiin September 24, 2024 atangin Government Lawngtlai College chuan College Week an hmang tan a. College Week hawnna hun CYLA Playground-a neihah, Pu Andrew Laltlanzara, EM i/c Middle School, LADC chuan khualian niin hun a hmanpui a. College Week hawnna 'Kick off' a nei nghal bawk.

Khuallian Pu Andrew Laltlanzara chuan Lawngtlai College zirlaite chu Lawngtlai District tana mi tangkai ni turin a fuih a. Kan district chu Literacy lama kan hniam avangin tan lak a ngaih thu leh, hriselna ngaipawimawh turin zirlaite a chah a. Khuallian chuan 'Sport item hrang hrang te hi hlawhtlinpui tlak vek a ni a, mahse insum theihna leh taimakna a pawimawh a. Chuvangin nun uluk a, zirlai ngaipawimawh a tul a, hunawl kan hman that a ngai bawk a, kan tum kan tisang tur a ni' a ti. 

Govt. Lawngtlai College Week hi October 1, 2024 ah Closing neih tum a ni.

Govt. Lawngtlai College hi August 18, 1980 khan din a ni.

Read more »
Tweet Share Share Share Share Share

September 24, 2024

 OFFICE  OF THE DISTRICT INFORMATION & PUBLIC RELATIONS, LAWNGTLAI DISTRICT 


DEPUTY CONSERVATOR OF FOREST

CHHIMTUIPUI WILDLIFE DIVISION 

LAWNGTLAI, MIZORAM THUCHHUAK 


Dated Lawngtlai,  24th September 2024 : Deputy Conservator of Forest, Chhimtuipui Wildlife Divisison, chuan Ngengpui Reserve Forest chhunga thingphun leh thlai ching an awm tih thuthang  leng mekah  a hnuaia mi ang hian thuchhuah a siam.


Mizoram sorkar in ni 19 March 1982 khan notification No.FOR.167/79/130 hmangin Ngengpui leh Kawrawng lui inkara ramngaw awm te hi Ngengpui Reserve Forest -ah a puang a.Tun hnaiah he Reserve chhungah hian thingphun leh thlai ching kan awm tih hriat a ni, hei hi Mizoram Forest Act, 1995 dan kalh ani a, Reserve Forest chhunga dan lova in thlai chin te senghawi turin tun thla chhung hun kan in pe e.He order hi zawm anih loh chuan sorkar hmalakna engpawh sawi buai theih a nih loh bakah sorkar ram zahlova mimal thingphun/thlai ching te chungah action lak a ni ang. 


Ngengpui Reserve Forest chhunga ram nei ni awma inhria an awm chuan ram neih phalna lehkha an neih te Range Officer, Ngengpui hnenah tun thla chhungin thehluh tur a ni.


Sd/-

(Dr. R.Lalruatfela)

Deputy Conservator of Forests

Chhimtuipui Wildlife Division

Lawngtlai,Mizoram



Read more »
Tweet Share Share Share Share Share

September 24, 2024

September 24, 2024 (Rauthla) : Vawiin khan District Volleyball Association (DVAL) Season Opening Volleyball Tournament 2024 chu District Volleyball Court, Chawnhuah neih a ni a, he hun hi College Veng VCP Pu A. Lalropekthara chuan khuallian niin hun a hmanpui.

Khuallian chuan Volleyball player-te chu hlim tak leh nuam tak a tournament hi khel turin duhsakna a hlan a, nawmna ringawt um a duhtawk mai lovin, hmasawn ngei tum a Volleyball tuichilh turin a chah bawk. Khuallian chuan 'infiammi kan nih chuan insum ngai thil tam tak a awm a, infiamna leh ruihtheihthil tih hi thil inrem lo leh kalkawp thei chi a ni lova, heng lakah te hian kan fihlim a tul takzet a, infiamna kawnga hlawhtling tur chuan Self- disciplined kan neih that a tul hle a ni' a ti bawk

Khuallian hian District Volleyball Association Lawngtlai hruaitute hnenah Rs. 5000/- leh Volleyball pakhat a pe bawk.

District Volleyball Association (DVAL) Season Opening Volleyball Tournament hi vawiinah tan niin, mipa club 6 leh hmeichhia club 2 te an chhuak a, September 28, 2024 ah khelh zawh a ni ang. Mipa champion-in Rs. 12,000 leh Trophy an dawng ang a, runner-up in Rs. 7,000 an dawng bawk ang. Hmeichhe champion-in Rs. 6,000 leh Trophy an dawng ang a, runner-up in Rs. 4,000 an dawng bawk ang. Mimal lawmman Best Setter (Men & Women), Best Spiker (Men & Women), Best Promising Player (Men & Women) leh Best Reciever (Men & Women) te a awm bawk ang.

Read more »
Tweet Share Share Share Share Share

September 24, 2024

 DURTLANG DOCTOR PAHNIH LEH MIDANG PAKHAT SAWISAKNA-A INHNAMHNAWIH POLICE SUSPEND A NI


Rauthla 21.09.2024 : (MSR) : Kar kalta Inrinni (Sep 21) zana Durtlang Doctor pahnih leh midang pakhat sawisak rawnna a inhnamhnawih ni a sawi, Police chu vawiin khan a hna atanga chawlhtir (suspend) a ni. 

Sperintendent of Police, Aizawl thuchhuahin a tarlan danin kar kalta Inrini a Durtlang Doctor pahnih, Dr. Laldinliana Sailo S/o Lalhmangaiha Sailo leh Dr. Ringheta Renthlei S/o Dr. R.L. Sanghnuna, Durtlang te leh Lalthlamuana S/o P.L. Ropara, Durtlang Mel-5 te kutthlak rawnna a tel ve a puh, C/266 Sailianpuia Sailo, DEF Aizawl, tuna Sairang Police Station a awm mek chu a hna atanga chawlh tir (suspend) niin amah hi man nghal a ni a, thubuai, BKN PS C/No. 309/24 Dt. 23.09.2024 u/s 117(2) 3(5) BNS siamsak a ni.

Kan thudawnna dangin a sawi danin Dr. Rinngheta hi a thluak a che a, nizan lam pawh khan ala luak reng niin a sawi a, a thianpa, Dr. Laldinliana hi a mit ruh a tliak a, ngaihtuah awm lutuk erawh a ni lo niin an sawi.



Read more »
Tweet Share Share Share Share Share

September 24, 2024

September 24, 2024 (Rauthla ) : MJA Lawngtlai District leh District Legal Services Authority Lawngtlai tangkawpin vawiin khan Lawngtlai Press Club-ah Lawngtlaia Youtuber te pualin  Legal & Media Awareness Campaign neih a ni.

He Campaign hi hun hnih a then niin, Lawnglai District MJA President Pu Elvis Lalthangzuala'n a kaihruaia, chawhma hunah Pu C. Lalremsanga Judicial Magistrate First Class in Information Techonology hmannaah dan bawhchhiatna awm thei leh fimkhur a ngaihdante, dan hnuaia hlawk leh him takin ram leh hnam, khawtlang tan Youtube chu hman theih a nih thu sawiin, midangin kan chunga an tih atana kan duh tur ang a mahni Channel theuh kalpui chu innghah nan a hman a that thu a sawi.

Chawnhnu hunah District Information & Public Relations Officer Pu Zonunchama Ralte chuan chanchinthar thehdarh leh thildang hrim hrim mipui a phochhuah kawngah tih dan tur leh hriattur pawimawh te a sawi. 

Read more »
Tweet Share Share Share Share Share

September 23, 2024

September 23, 2024 (Rauthla) :  Vawiin khan Lawngtlai AOC bialtu MDC Pu LR. Dingliana Chinzah chuan Lawngtlai AOC Branch YLA buatsaih ' YLA DAY & YLA GOLDEN JUBILEE LAWMNA' khuallian niin hun a hman pui.

Lawngtlai AOC bialtu MDC chuan YLA thiltumte leh thupui (motto) pathum ; 'Kristian nun dan mawi chawisan', 'Hnam zia leh nihna humhalh', leh 'Ram leh khawtlang hmasawnna tura thawh' tihte chu theihnghilh lova, ṭhahnem ngai taka thar thawh zel turin kalkhawm YLA member te chu a chah a. Kum 50 (Golden Jubilee) hial hmang theia YLA in Pathian malsawmna leh kaihhruaina a chang chu thinlung taka a lawm thu a sawi bawk a ni.

Pu LR. Dingliana Chinzah chuan, YLA member te chu mite'n engtin nge min hmuh dan leh min hriat dan tih inzawt nawn fo turin a chah bawk a. Mitinin nunphung leh nungchang danglam (signature) kan neih angin, YLA member te chu YLA thiltumte tih hlawhtlinna kawngah danglam ngam bik tur leh, rinawm taka YLA motto te vawng nung zel turin a fuih bawk a ni.

Lawngtlai AOC bialtu leh ex-Dy. Chairman LADC ni bawk Pu LR. Dingliana Chinzah chuan Lawngtlai AOC Branch YLA te'n a ṭulna leh pawimawhna apianga an hman atan Silpauline leh pawisa fai a hlan nghal a. Lawngtlai AOC Branch YLA Secretary Pu Michael LH. Mawia chuan, Branch aiawhin YLA Golden Jubilee hriatrengna pual thuziak (Momento) mawi tak bialtu MDC hnenah hian hlan bawk a ni.

He hunah hian Lawngtlai AOC Branch YLA hruaitute, khawtlang hruaitute leh YLA member mi engemaw zat an kalkhawm a. ZPM Lai District Headquarters Lawngtlai Adviser ni bawk Pu LR. Dingliana Chinzah MDC hi ZPM Lai Dist Hqtrs Media, IT & Publicity Dept. aiawhin Pu R. Lalruatkima i/c YouTube chuan a tawiawm a ni.

Read more »
Subscribe to: Posts (Atom)
Powered by Blogger.