September 22, 2024 (Rauthla) : Naktuk, September ni 23, 2024 YLA Day leh Golden Jubilee chu YLA Branch awmna tlang hrang hrangah hman a ni dawn a, Branch hrang hrang hman dan tur erawh a inang lova, branch thenkhat ten he ni hi mahni branch huam chhungah urhsun tak an hmang dawn a, branch thenkhat ten infiamnain hun an hmang bawk ang a, Golden Jubilee puala lungphun hawnna neih a ni bawk ang.
Central YLA hruaitute chuan YLA Day leh Golden Jubilee hmanna tur bik siam lovin, zing dar 7 ah CYLA Hall kawtah Golden Jubilee puala lungphun hawnna an nei ang a, hruaitu thenkhat ten branch tena an ruahman Golden Jubilee lungphun hawnna an nei bawk ang. Hemi hnu hian Lairam Rescue Centre, Lairam Motherless Home, District Jail, Lawngtlaiah leh Lawngtlaiah damdawi in pathumah thilpek an hlan ang a, branch hrang hrangte an tlawh kual bawk ang.
YLA hi kum 1974 khan din a ni a, Founder chu Pu F. Lalhulha, Sangau a ni. Tunah hian YLA member zawng zawng zat hi 56000 chuang a ni a, Branch 115 awmin, Group YLA 2 a awm a, Sub-Hqrs. 7 a awm mek bawk.
Post a Comment