September 9, 2024 (Rauthla) : Govt. Region Higher Secondary School, Lawngtlai chuan vawiin khan vawiin atanga tun thla ni 13 thlenga hman tur Sports Week 2024 hawnna chu GRHSS Hall-ah an hmang a, he hun hi Pu Lalthanmawia Colney, Dy. Chief Whip, LADC chuan khuallian niin hun a hmanpui a, Sports Week hawnna a nei bawk.
Pu Lalthanmawia Colney chuan zirlai tan chuan a pawimawh hmasa ber thu thuawina a nih thu sawiin, hlawhtlinna kailawn hmasa ber a nih thu a sawi a. Zirlai tan ruihhlo chu hmelma lian ber a nih thu sawiin, tichhin lo turin zirlaite a fuih bawk.
Khuallian chuan sawrkar hnain mi zawng zawng daih loh thu sawiin, mahni tuina lam hriat a, zawh tlak leh hlawhtlinna awm anih chuan huaisen tak a zawh ngam a ṭhat thu a sawi a. Sawrkar hna kher lo hi mahni leh chhungkua in chawmna tlak hna a awm thu sawiin, mahse rinawm tak leh taima taka thawh a ngai thung tih a sawi bawk.
Vawiin GRHSS Lawngtlai Sports Week hawnna hi V. Laldinpuia'n a kaihruai a, Pu VL. Felfamkima, Principal-in thu a sawi bawk.
Post a Comment