Rauthla 03.09.2024 : Vawiin khan Pu HC.Lalthawmliana Executive Members (PHE) LADC Sorkar thil pawimawh a Aizawl hmuna awm mek chuan, Lai House Bungkawn Aizawl a thawktute chu, Lai House Conference Hall-ah meeting a neih pui.
Pu HC. Lal-thawmliana EM chuan thusawiin, Aizawl hmuna, LADC in inpui ber leh innghah nan bera kan neih, Lai House-a thawktute chu an pawimawh thu leh Lairam hmel lanna an nih thu a sawi a. Tunhnaia an hmasawnna a hmuhin lawmthu a sawi a, hma kan sawn kan tih mek laiin, hmasawn leh zel tur kan nih thu a sawi a, kan hotute rawn zin kan lo dawnsawn danah pawh tun aia felfai zawk leh tha zawk kan ngaihtuah chhuah thiam atul thu sawiin, kan hotute pawhin, tun aia hmasawn dan hi a awm an beisei thu an sawi thin a, LADC a VIP kan neih te kan dawnsawn danah pawh ngaihtuahna thar senga tun aia tha zawk leh felfai zawk neih tum turin a chah bawk, Hotute tha taka lo dawnsawn leh zah thiam hi staff te tih tur zinga pawimawh ber pakhat a nih thu a sawi bawk.
Asawi zel naah, Pu C. Lalmuanthanga kaihhruai, LADC a ULP sorkar chuan Lairam siamthat tumin nasa takin hma ala chhunzawm zel dawna, Staff te atanga bultanin a tahtawl te tein hmalak mek zel ani. "Hotute mit tikham em em chu pu/pi te aia office bang/haw hmasa staff an tam thin a, hei hi kan sim hlauh a ngai" a ti. Mizoram leh Central-ah ADC te tan sum tam zawk haichhuah tumin nasa takin tan kan la meka, chutiang tur chuan, ngaihtuah peih leh taimak a ngai a, chuh chak peih nih pawh angai thin, hemi kawngah hian LADC a hotute te leh thawktu te pawh kan thangharh a ngai a ni, a ti.
Pu Lalthan-mawia Colney, Deputy Chief Whip, LADC pawhin thusawiin, Lai House administration a that thu leh tun aia hmasawnna tur tam tak erawh a awm thu a sawi a, in unauna tha leh inngeih taka awm turin a chah a, LADC lehkha pawimawh vawn him kawngah kan fimkhur a ngaih thu sawiin, Former MDC te enkawl leh dawnsawn kawngah kan ti tha viau a, hmasawn zel erawh kan mamawh ani, a ti.
Pi Lalhminghlupuii Thangen, Deputy Resident Commissioner chuan inkawmhona kaihruai in, Lai House chungchunga thil pawimawh chi hrang hrangte leh lawmthu sawina a nei bawk.
Post a Comment