September 23, 2024 (Rauthla) : YLA College Veng Branch ten vawiina Young Lai Association (YLA) Golden Jubilee lawmna hun an hman chu Pu C. Hrangthianga, EM i/c Agri. Etc., LADC chuan khuallian niin a hmanpui a. Zing lamah Golden Jubilee Monument hawnna hun hmangin, chhunah programme hman chhunzawm a ni.
Khuallian chuan College Vengin kawng hrang hrangah nasa taka hma an sawn thu sawiin, tunah chuan Lawngtlai khawpui chhungah hian College Venga cheng leh khawsa nih chu sawi nuam a nih thu a sawi a. College Veng ah hian khawtlang hruaitu VC leh YLA ang te pawhin thawhhona tha tak an neih thin sawiin, heng te hi veng chhung boruak tinuam tu a nih thu a sawi.
Khuallian chuan 'YLA Member te chuan nungchang mawi leh hawihhawm kan nei tur a ni a, ruihtheihthilah kan fihlim tur a ni. Kan rama pawl ropui tak Young Lai Association (YLA) thil tum leh nihphungte member chuan kan hriat tlat a tul a, tlawmngaihna kawngah te aia upa zahna kawngah te, tun ai nasa a tan kan lak a ngai a ni, a ti bawk.
He hunah hian Pu C. Hrangthianga chuan College Veng Branch YLA te hnenah thilpek a hlan a, khuallian Pu C. Hrangthianga family aiawhin, Pi.Lalbiakkimi pawhin thilpek hlanna a nei a, Pu A. Lalsawitlinga President, Branch YLA College Veng chuan lawm takin thilpek te hi a dawngsawng a ni.
He hunah hian Pu A. Lalropekthara, VCP, College Veng pawhin thu a sawi a ni.
Post a Comment