Rauthla 03.09.2024 : M lizo national Front (MNF) Legal Board chuan Mizoram State Commission for Women Chairperson Pi Lalchhandami chu dan loa ruat a nih thu sawiin, bang turin an phut.
MNF Legal Board chuan vawiin khan Aizawl Press Club-ah Thuthar Lakhawmtute kawmin, MSCW Act 2004 hnuaia Dan siamah Chairperson atan kum 65 pel tawh chu ruat theih a nih loh thu chiang taka a inziah thu sawiin; Sorkar document hrang hrang leh Kohhran record-ah Pi Lalchhandami hian Chairperson atana ruat a nih hian kum 68-na a hmang mek tawh tih chiang takin a lang a ni a ti.
MNF Legal board chuan MSCW member 7 zinga 3 te an hun la tawploin anmahni pawhin banna an thehlut lo chungin kumin August ni 28 khan notification luahlanin, member 7 an ruat hnan leh tih tarlang telin, hetianga dan bawhchhia-a MSCW Chairperson ruat mai duh tawk loa, member dinglaite pawh midang ruat hnan an nihna hi a ruattu, ZPM Sorkar hian an hunbi tiam chhunga sut ve ve turin MNF Legal Board chuan a ngen a, MNF Legal Board hian September ni 9 tlai dar 5 hmaa Pi Lalchhandami MSCW Chairperson atanga ban leh MCSW member ruatna notification sut an phut a; an beisei anga bawhzuina a awm loh chuan a tawp thlengin hma an lak tur thu an sawi.
Post a Comment