MBBS zir thar turte hnenah Pu C.Ngunlianchunga’n Rs 20,000 theuh a hlan
Rauthla 03.09.2024 : Vawiin khan Pu C.Ngunlianchunga Lawngtlai West Bialtu MLA chuan, Lawngtlai District atang a MBBS zir thar tur zirlai panga te an chenna MLA Quarters, Tuikhuahtlang ah leng ah sawmin, zanriah a buatsaih sak mai bakah an zirna senso tlem a zawngtal alo phuhruk ve theihnan tiin pawisa fai cheng Rs 20,000 (Singhnih) theuh an kutah a hlan nghal ani.
Pu C.Ngunlianchunga chuan MBBS zirthar turte chu Laifa in ni tih hre reng ula. Midang te tan a malsawmna thlentu nih hi kan tum tur ani a, mi tam takte beidawn tawhna hi nangni chuan hlawhtlinna ah chantir ula, engpawh in tih ah Pathian hre reng turin ka chah duh che u ani. In zirna ah hlawhtlinna duhawm tak chang ngei turin ka duhsakna ka hlan a che u a ti.
Pu C.Ngunlianchunga chuan, Laifate zirna kawng hrang hrangah tan kan lak a ngai a. Midangte’n an tih theih chu kan ti thei a ni tih hria a, taima tak leh rilru pe tak chunga kan zirlai ah kan ngaihtuahna kan sen a ngai a ni, a ti a. Ram leh hnam tan kan thiamna leh theihna te hmang a, theihtawp chhuah zel turin a chah bawk a ni.
Pi K.R Chhingpuiin inkawmhona hmawrbawk nan zirlai te chu Pathian thu a fuihin, tawngtaina in a khar ani
Post a Comment