LAWNGTLAI DISTRICT PRIMARY SCHOOL TEACHER TE HNENAH TABLET SEM
Rauthla 04.09.2024 : Lawngtlai East MLA Dr. Lorrain Lalpekliana Chinzah, Adviser to Chief Minister (H&FW & Agri.) chuan vawiin Dt. 04th September, 2024 (Nilaini) khan Lawngtlai District chhunga Primary School Teachers ṭhenkhatte hnenah Tablet a sem.
Teacher's Inn, Lawngtlai College Venga Tablet semna hun hmanna ah hian Adviser to Chief Minister chuan thusawiin, "Tunlai khawvel changkang zelah computer leh a kaihhnawih hmanruate chu zirlaite tan thil tangkai tak a ni a, digital age-ah kan awm tawh avangin electronic leh technology hmanrua-te chu zirlaite zirtirna tanpuitu atan leh, zirtirtu te'n record vawn nan, school Intervention hrang hrang portal-a Data upload na atan tangkai taka kan hman thiam a ṭul a ni." a ti.
Adviser to CM chuan, Primary School hi zirlaite zirna bul tanna Grassroot institution a ni a, "Bul tan that chu zatve zo ang tluk a ni" tia thufingin a sawi angin kan ram zirlaite bul tan that tirna kawnga Primary Sikulin mawhphurhna sang tak an nei a, chuvangin, nasa takin tan la theuh turin Zirturtute chu a chah a ni.
Pi K. Lalsiamliani, DPC Samagra Shiksha Lawngtlai District kaihhruai he hun hmanna ah hian Pu C. Rohmingliana, Sr. Vice President PSTA Lawngtlai chuan thusawiin, Pu Alex Lalzawmpuia, Dy. DPC Samagra Shiksha Lawngtlai chuan lawmthu sawiin hun a khar a ni.
Post a Comment