Lai Autonomous District a Opposition Leader Pu K Hre Kunga'n a room a luah fel ta

Rauthla 10.09.2024 : Vawiin hian Lai Autonomous District Council a Opposition Leader Pu K.Hre Kung Sangau West Bialtu MDC nibawk chuan Legistative Building-a a room chu a luah fel ta.

Pu K.Hre Kung chuan, ‘Hun kal tawh a kan hruaitu hmasa ten an la tih ngaih loh leh an la neih ngai loh Opposition Leader room pek an la nih ngaih loh thu leh a vawikhatna atan room pek ani chu lawmawm a tih thu a sawi.

Pu K. Hre Kung chuan, tun term kan hman mek ah hian  'The LADC (Salaries & Allowances  of Chief Executive Member and Executive Member) (Second Amendment) Rules, 2023' - ah, Opposition Leader chungchang tarlan a ni a. Hemi chungchang hi LADC a kan Chairman Pu VL.Hmuaka hnenah thlen a ni a. A ni in a lo ngaipawimawh hle mai a. Opposition Leader te chanvo leh a ken tel hrang hrangte tih hlawhtlin a nih theihna tura ka ngenna te min ngaihpawimawh sak a, hma min chhunzawm sak a, a hlawhtlinna kan hmu theih hi a lawmawm hle a. He dawhkan atang hian kan ram rorelna tha zawk leh fel zawka a kal theihna turin kan thawkho dawn a ni a. He dawhkan hi ka thawhpui te pawhin min venpui a, a tul huna thurawn min pe tur leh min finchhuahpui turin ka ngen a che u, tiin amah tawiawm tute a sawm a ni.

Lai Autonomous District Council a Deputy Chairman Pu H. Lalmuansanga pawhin thu sawiin, India ram hi Democracy ram ropui tak a ni a. Mipuite’n an aiawh roreltu tur min thlang chhuak a, chuvangin house ah memberte’n kan ram rorelna khawl zahawmna hi vawnghim zel ila. Opposition party te pawhin rorelna dik zawk a awm theihna tura khalh ngil tu an nihna an inhriat a, sawisel tur a awm anih pawhin ngun taka ngaihtuah chunga ram leh hnam hmasawnna leh thatna tur anih phawt chuan insawisel hi hreh hauh loh tur a ni, a ti a. House-ah ngaihdan in-anglo in awm thin mah ila, kan ram leh hnam in hmasawnna tur kawng a zawhna ah bawhzui ngai leh tanrual a ngaih hunah te, lungrual leh thawhhona tha neih a tul thin a ni, a ti a. LADC-in Opposition Leader Pu K. Hre Kung kan nei thei hi a lawmawm a, duhsakna ka hlan bawk ani, a ti.

Dr. Lorrain Lalpekliana, Adviser to Chief Minister pawhin thusawiin, LADC ah Opposition Leader te tan room siam sak ani hi a la hriat ngai loh thu a sawi a. Hetianga LADC sorkar in duhsakna taka Opposition Leader tana room a buatsaih sak chu lawmawm a tih thu a sawi a. He dawhkan hi zahawm tak leh ram rorelna khalh ngil tura, dinhmun pawimawh tak ani tih hria ila, ram leh hnam tan tia rilru ngaihtuahna senga ram rawngbawlna hna thawk turin duhsakna a hlan a.   Sorkar-na pawh tluang taka kal zel turin duhsakna a hlan bawk a ni.