September 25, 2024 (Rauthla) : Vawiin tlai dar 2:40 vel khan Siaha Council Veng a mi, tuna Kawlchaw East Police Outpost-a duty lai Hc. Lalmalsawmthanga (40) chu Kawlchaw lei (Kawlchaw West lam side) atangin a zuangthla.
Kawlchaw East MTP hruaitute hnen atanga thudawn danin, Hc. Lalmalsawmthanga chetsual dan chiah hi hriat chian a ni lova, mi thenkhat chuan a zuangthla niin an sawi a. A tlak lai hian Kawlchaw luiah naupang pathum nghakuai chiah an awm a, an ni hian chhan an tum a, an chhan hman ta lo a ni.
Hc. Lalmalsawmthanga hi kumin kum tir khan Kawlchaw East Police Outpost-ah hian post a ni a, rilru lamah chian lohna a nei lo niin an sawi. Amah hi ECM Kohhrana lawi an ni bawk.
Kawlchaw East MTP hruaitute chuan tui a tam avang leh a nut deuh avangin Hc. Lalmalsawmthanga hi zawn a harsat thu an sawi a. Tunah hian Kawlchaw East MTP, Kawlchaw West YLA leh MTP leh New Serkawr MTP ten an zawng mek a, a chhungte pawh thleng thla tawhin, Siaha SP pawh a hmunah a thleng thla tawh bawk a ni. Kawlchaw East MTP hruaitute chuan Hc. Lalmalsawmthanga hi an hmuh hma loh zawn an tum thu sawiin, zanin pawh tlaivara zawn an tum thu an sawi.
Post a Comment