September 25, 2024 (Rauthla) : Central YLA in kan rama ruihhlo leh a kaihhnawih tihrem tuma hma a lakna kal zela a din Drug Reduction Sguad te chuan din a nih atangin vawiin thleng tha thlah lovin hma an la zel a, an hmalakna avang hian Ruihhlo leh a kaihhnawih lam pawhin tlakhniam lam a pan mek zel.
September 2, 2023 - September 14, 2024 chhung khan DRS hian Damdawi No. 4 hawng 162 an man a, Damdawi hlut zawng hi Local Market (Lawngtlai) a chhutin Rs. 5,670,000 man hu a ni.
Kanja 10kg manin, hei hi Local Market (Lawngtlai) a chhutin Rs. 70,000 man hu a ni a, Opium hi 5Kg manin, Local Market (Lawngtlai) a chhutin Rs. 10,00,000 man hu a ni. Zu (Local) hi Fun 930 manin, hei hi Rs. 1,87,000 man a ni.
DRS hian hian ruihhlo kaihhnawihah mihring 608 (Mipa 561, Hmeichhia 47) manin, mi 102 chu Home ah an dah a, mi 45 chu Excice leh Police lamah an pe bawk.
DRS hian Lawngtlai School hrang hrangah Ruihhlo thatlohzia inzirtirna hun an hmang thin bawk.
DRS Chairman Pu Eden Lalrammawia Chinzah chuan chuan Ruihhlo dona kawngah Kohhran hrang hrangte, NGO hrang hrangte leh Sorkar Department hrang hrangte thawhpuinaah lawmthu a sawi a, Nidang hun kalzel turah pawh thawhpui chhunzawm a, tawngtai pui zel tur leh sum leh pai lam pawha tanpui zel turin a sawm bawk a ni.
Central YLA Drug Reduction Sguad hi September 2, 2022 khan din niin, tunah hian member 40 an awm mek.
Post a Comment