August 20, 2024 (Rauthla) : Vawiin chawhma khan Major Rohit Rana, Company Commander, 20th Batallion Assam Rifles hmalaknain YLA Recreation Hall-ah Young Lai Association Bualpui (Ng) Branch leh Assam Rifles ten chuan inkawmhona an nei.
He inkawmhonaah hian YLA Bualpui (Ng) te hian mamawhte thlenin, Assam Rifles hian Volleyball Court tha tak siam thei tura hmalak pui an tiam a, Sports Goods chi hrang hrang a theih ang ang pek an tiam bawk a. Border Area kan nih angin, mipuite himna hi an ngaihpawimawh ber a nih thu leh Ddanlo anga ruihhlo tawlh thin te do na kawngah hmalak puiah YLA te chu sawm an sawm bawk.
He hunah hian Raltlante dinhmun sawilan niin, India ramah hian ralmuang takin leh zalen takin khawsa se an duh thu sawi an sawi a. An tan hlauhawm an nih loh thu leh venghimtu tur an nih thu te lo hrilh hre turin YLA te chah bawk a. India leh Burma rama an luh leh chhuah reng hi Civil mi te tan pawh a him loh thu leh a tam thei ang bera lo inhrilhre turin leh mit lo len reng turin YLA te ngen bawk ani.
Major Rohit Rana hian tun hi kar hnih Charge a lak na chiah niin, Bualpui (Ng) khua chu khaw nuam tak a nih thu leh an ram Himachal Pradesh te nen pawh a in an thu leh a rawn tlawh fo tur thu a sawi.
Post a Comment