August 20, 2024 (Rauthla) : Vawiin chawhma khan Pu Sanghuliana Mualchin, EM Primary School Education, LADC changtu leh Additional Teacher ten inkawmhona neiin, an hnathawh chungchanga thil pawimawh chi hrang hrang an sawiho.
Pu Sanghuliana Mualchin chuan hun rei tak zirtirna hnathawkin hun in lo hmang tawh a, inthawhpui thenkhatte hna nghet neiin an lo awm tawh pawh a ni mai thei, chumi chungchungah chuan vawiin thlenga Additional Teacher hna thahnem ngai tak a, inla thawk hi a lawmawm kan ti hle a ni. In dinhmun tur hi thui tak kei chuan sawi mai thei lo mah ila, in lehkhate pawh kan lo hmu a, kan hotute nen kan lo sawiho ang a, theihtawp kan lo chhuah pui dawn che u a ni. Mahse, Recruitment Rules-te felfai takin kan lo neih tawh avangin, tun hma angin awlsam taka thil tih mai theih a ni tawh lova, nangni pawhin min hriatthiam ka beisei a, kan awm ve hma thil thlengte a lo awm bawk avangin kei pawhin ngun takin ka lo zirchiang ve zel ang a, hma kan la ho zel dawn nia, a ti.
He hunah hian Additional Teacher- te pawhin an harsatna leh an dinhmunte sawiin, beiseina sang tak nei chungin an harsatna a hnenah an thlen thu an sawi ve bawk.
Pi Hrangthanmawii, Elementary Education Officer, Primary School Education, LADC pawhin thil awm dan leh, hma an lo lak tawh dan hrang hrangte a sawi bawk.
Post a Comment