August 20, 2024 (Rauthla) : Vawiin khan Lai Student's Association, Gen. Hqrs; Lawngtlai Office, Electric Veng, Lawngtlaiah Lawngtlai District-a zirlai pawl pathum leh Govt. Lawngtlai College Student's Union hruaitu ten inkawmhona neiin, inhmelhriatna an neih hnuah, zirlai pawl an nih anga an hmalak zel dan tur an sawi ho.
He inkawmhonaah hian Lai Student's Association, Gen. Hqrs; Lawngtlai, Bru Students' Association, Pang Zirlai Pawl leh Govt. Lawngtlai College Student's Union aiawh te an tel a. He hun hruaitu Pu Eric Lalliankima, LSA Gen. Hqrs; Lawngtlai President chuan Lawngtlai District chhunga zirlai pawl hrang hrangte chu Lairam leh hnam tana tha turah chuan inlungrual taka ke pen tlan a ngaih thu a sawi a, a bik takin zirna lamah phei chuan tihtakzeta tan lak a ngaih thu a sawi bawk.
He hunah hian zirlai pawl aiawh hrang hrangte chuan zirna kawnga hma an lak dan leh hmachhawp an neihte an sawi bawk.
Post a Comment