T.Vanlalzahawmi Chapchar Kut Miss 2023 Lawngtlai

Rauthla 03.03.2023 :  T.Vanlalzahawmi hi Ni 13.Feb,2002 khan a lo piang a. A pa hi  T.Lalthanhlira (L) niin a nu hi R.Chhawnthangi a ni. Lawngtlai Electric Veng a khawsa niin unau pali niin mipa pakhat leh hmeichhia pathum an ni a, ani hi Upa ber dawttu a ni. Thlauhthang hnam an ni

Mami hian mi inngaitlawm leh mi rinawm mize pu hi a ngaihsan ber a ni a. Chutiang ani pawh hi mi inngaitlawm leh a thil tih tawhna ah chuan mi rintlak tak ani bawk.

Tunlai thalaite zingah hian mi teirei peih mi hi an ngaihsan awm a ti a, thalaite hian tumruhna te, taimakna te, dawhtheihna, rinawmna leh dikna tan ngam, ruihhlo leh mipat hmeichhiatna laka fihlim thei tura insumtheihna hi kan mamawh tak zet a ni, a ti.

Chapchar Kut Miss Lawngtlai hi Phawngpui Photographer Association te hian an thlang thin a. Kut na a kal nula pian nalh leh hmeltha an thlang satliah ani lova. An nungchang leh mize tha, midangte entawntlak ni tur hi an thlang chhuak thin a. Kuminah pawh hian Lawngtlai Electric Veng nula T.Vanlalzahawmi hi thlan chhuah a lo ni ta a. Ani chuan hetiang tur pawh hian a inbeisei lova, Kut chhim tura kal kha ani deuh ber mai. Miss a thlan anih kha mak a ti hle a, sawi tur pawh a hriat loh thu leh lawmawm a tih thu chauh lo chu sawi tur a vang hle a ni,  ti bawk.

T.Vanlalzahawmi hi nula zakzum tak a ni a, mahse a ko ah engpawh nghat se, ani chuan felfai takin engkim a ti mai thin a, nula zakzum tak hian a tih tur reng reng hi a zahzumna in a inhneh tir ngai lova. Kohhran Thalai a Usher chungchang ah pawh an leklam ber te zing a mi a ni.  A khawlai nun leh che velah hi a felfai thlap thin a. Nu hnap, ni zawk zawk lo, zaidam tak, nula zelthel tak ni lo, kohhran hnatlan nikhua ah pawh bibo ngai lo, tih tur tih apiang ti ve zel a ni a. A thut dan hrim hrim atang pawhin nula thatchhia a ni lo tih hairual ani lo. 

Khawtlang in chhiat tawkin mitthi lumen ngai se, a tlaivar mai a, khawhar In ah nise, a dam anih chuan kal thulh miah lo. Inkhawmna leh khawhar In ah pawh chhuak mai mai lo, nghet taka thu mai thin a ni a, a nun hi a tlawmin a zahawm hle ani.

Tunah hian NYK Lawngtlai ah hian Volunteer niin amah dawrtu te pawhin fel an ti hle a ni. Sam 37:5 ‘I awm dân tûr chu LALPA chungah nghat la, Amah ring la, a tihsak vek ang che.’ Tih hi a Pathian thu duh ber ani a. ‘A hmel mawi min hmuh tirtu’ tih chu a hla duh ber ani bawk.