GOVERNMENT OF MIZORAM
OFFICE OF THE DEPUTY COMMISSIONER
LAWNGTLAI DISTRICT : LAWNGTLAI

MIPUITE HNENA HRIATTIRNA

1. Sorkar ruahmannin India khua leh tui tinte chhinchhiahna bik, biometric enrolment, Aadhar Card siam chu Lawngtlai District-ah pawh tun thleng hian tluang taka la kalpui zel a ni.

2. Aadhar Card siam hi India khua leh tui te’n intihluihna awm lova, chhia leh tha hriatna thiang tak hmanga mahni duhthlannaa tih tur a ni.

3. Insawi thaihna leh thuthang dik lo awm thinte rilru inhruai kawi tir mai lovin, sorkarin a ruahman chhan leh a tangkaina ngun taka chhut thiam turin District mipuite kan inchah a ni.

4.Aadhar Card hi sorkar ruahmanna (scheme) chi hrang hrang hnuaia Direct benfit Transfer (DBT) tih nan te, Banck Account hawnna, Ration Card siamna leh nitin khawsak chetvelna hrang hranga a pawimawhna thlirin, Lawngtlai District mipui a mamawhtutu te’n awlsam taka enrolment kan tih zung zung theih nan leh siam that ngai kan siam that zung zung theih nan Deputy Commissioner Office. Lawngtlai chuan theihtawp chhuahin District mipuite tan hma a la reng a ni.

5.Aadhar Card kaihhnawiha District mipuite harsatna chi hrang hrang pawh a rang thei ang bera chinfel dan ngaihtuah thin a ni.

6. DC Office, Lawngtlaiah Thawhtanni atanga Zirtawpni inkarah Office hun chhungin Aadhar Card siam nana thlalak leh siam that ngai siam that (correction) tih theih reng a ni.

Aadhar Card siam tur tan he’ng hi a pawimawh :

1) Puitling tan : Voter ID Card leh Ration Card.

2) Naupang tan :  Birth Certificate; An nu emaw an pa emaw Birth Certificate-a hming                chuang ngeiin an Aadhar Card keng telin an hruai tur a ni.

3) Raltlan tan Aadhar Card siam theih a ni lo.


Sd/- Dr. Andrew H. Vanlaldika
Deputy Commissioner
Lawngtlai District, Lawngtlai


Post a Comment

Powered by Blogger.