Lawngtlai, March 01, 2022 : Pu H. Lalhmingmawia, GS, MNF, Hqrs, Lawngtlai chuan BJP, Congress leh ZPM te chu awmze thui nei lo, MLA inthlan hun pawha Social Media-a chak tawk lek, EVM a chak leh lo turte an ni a ti.
Nimina MNF Lawngtlai party inkhawmah he thu hi sawiin Pu H. Lalhmingmawia chuan, “Kan hmalawkah inthlanna kan hmachhawn leh dawn a ni a, kum 2023 ah hian Lawngtlai East bialah chuan Pu H. Biakzaua hi hnehna sang tak changin a tling leh ngei dawn niin alang a. Chutih rualin Lawngtlai West ah pawh MLA duhawm tak kan neih ngei a beiseiawm hle” a ni a ti.
He hunah hian Dy. Chairman LADC Pu CL Zuala'n a zin report pe-in, Pu V. Zirsanga CEM LADC tawiawm a Sub-Hqrs Bualpui (NG) an tlawh report a pe a, Bualpui (Ng) khawtlang mipui leh Party miten an lo dawnsawn naah lawm thu a sawi a, Sub-Hqrs Bualpui (Ng) chu tihchangtlun a nih zel tur thu te, Judicial Officer a awm/dah a nih tur thu te, tin, Tlangpui a Forest Check gate siam a, thawktu fel tak tak te dah an nih thu te, hnathawktute inpekna zarah boruak muanawm leh tha tak an neih zel thu te a sawi lang bawk.
Nimina party chhung inkhâwm hi Pu H. Lalhmingmawia, General Secretary in a kaihruai a, hunserh erawh Upa RK Zadeng, Adviser in hmangin, Pu CL Lianzuala, Dy. Chairman in zin report a pe bawk. He hunah hian Pute: Pu JB Vanhoy, EM, Pu CL Lianzuala Dy. Chairman, Pu Sanghuliana Mualchin, Chairman Town Comtt., LADC te leh Party hruaitute an kal tha hle a ni.
Post a Comment