Uttar Pradesh, February 11, 2022 : Nimin khan Uttar Pradesh Assembly inthlan thawh khatna tluang taka neih a ni a. Hriat theih chinah tlaidar 5 thleng khan vote zaa 57.79 a tla.
Tarlan tawh angin nimin zing dar 7 atang khan vote thlak a nia. Tun tumah hian Electronic Voting Machine (EVM) hmanga vote thlak niin Voter Verifiable Paper Audit Trail (VVPAT) hman a nibawk a. UP inthlan thawh hmasaberah hian bial 58-ah inthlan niin candidate hi 623 an awm a. Mathura leh Muzzaffar Nagar chu candidate tamna ber bialte niin 15 an awm a ni.
Kum 2017 inthlanah khan heng bial 58 ah hian BJP chuan bial 53 an la a, Samajwadi Party leh BSP ten bial hnih ve ve lain Rashtriya Lok Dal ten bial khat an la ve bawk a ni.
Inthlan thawhkhatnaah hian polling station nuaikhat sing 7 sang li leh 351 a awm.
Post a Comment