Aizawl, February 10, 2022 : Nimin khan Sports Minister Pu Robert Romawia Royte hovin Mizoram Sports & Youth Services Department aiawhte leh Tata Trusts aiawhten Mizoram district 11 tuam chhuaka Football Centre 60 kalpui dan tur chu an sawiho.
Nimina thutkhawmah hian football zirna project atana budget ruahman cheng nuai 80 hman dan tur kimchang chu pawm a ni a, heng centre 60 a thawk tura coach lakte training pek dan tur leh football centre 60 atana infiamna hmanrua lei dan turte rel fel a ni bawk.
Sports Minister chuan kum 2021 January thlaa Tata Trusts Headquarters, World Trade Centre Mumbai-a Tata Trusts CEO leh Senior Faculty te nena an sawiho tawhna anga Tata Trusts leh MSSC ten thawhhona thuthlung ziaka a taka an kalpui tih thusawiin, Tata Trusts in kawng dang tam taka Zoram hmasawnna tura hna a thawh dan pawh ropui a tih thu a sawi a. Naupang infiamna kawnga zeilo leh tuilote hian infiam leh insawizawi an mamawh nasa zawk hlei hlei a, medal lam hawia nasa taka tan la chungin medal dawn beiseiawmlo naupangte pawh infiamna huangah dah pawimawh a tul ve tho a ni, a ti.
Post a Comment