Sapthei sawrna tur en
Nimin khan Champhai District DC Pi Maria CT Zuali hovin Sapthei sawrna khawl bunna tur, IIDC Zote enho a ni. IIDC Zotea Sapthei sawrna khawl bunna atan hian tun hnaiah NEC chuan Cheng Nuai 750 a pawmsak tawh a, sum ruahman hi zaa za Central sorkarin a rawn tum dawn tih thudawnna chuan a sawi a, hun reiloteah Project hi kalpui theih beisei a ni.
Building thar hawng
Commerce & Industries Minister Dr R Lalthangliana chuan inrinni khan Electric Veng, Lungleiah NABARD sum cheng vaibelchhe 10 leh nuai 82 chuang senga sak Agri-Marketing & Training Infrastructure Building a hawng.
Heroin man
Nimin chawhnu lam khan Bairabi South Branch YMA hnuaia Kumpuan Sub-Committee chuan Hailakandi District Sapmara khua atanga lak ni a hriat Heroin No.4 bur 106 an man.
Thawhdunna tihchhiat duh lo
Hmar Peoples Convention General Headquarters OB Meeting chuan November 2019 , Sinlung Hills Council General election hmasa ber tuma HPC Party leh MNF ten thawhdunna tih chhiat an duh lo tih an sawi.
MNF-ah lawmlut
Nimin khan Vathuampui khuaah BJP atangin chhungkaw hnih (2), voter sawm pakhat (11) te chu MNF Party ah Pu J. Kapchungnunga General Secretary MNF Dist. Hqrs : Lawngtlaiin a lawmlut. Pu J. Kapchungnunga chuan ruling party bel thiam a piang te hi mi vannei nihna a nih thu a sawi a. 2023 MLA ah pawh hnehna sang tak MNF Party in a lak ngei a rin thu a sawi bawk.
Post a Comment