Lawngtlai, February 18, 2022 : Vawiin, February 18, 2022 khan The International Chin Forum-te buatsaih, Lai tawnga chanchinbu chhuak thar tur The Lairam Times Weekly Newspaper chu Pu V. Zirsanga CEM LADC chuan CEM Conference Hall, LADC ah a tlangzarh.
Pu V. Zirsanga CEM chuan Lairam leh hnamin a mamawh em em Lairam chhunga Lai tawng ngeia chanchinbu a awm thei tur chu lawmawm a tih thu a sawi a. Ram leh hnam tana mi inpe, hmasawnna kan neih theihna tura penchhuakte chungah lawmthu a sawi a, chanchinbu chhuah hi thil awlsam tak a nih loh thu leh, taimak chhuah ngai tak hun harsa leh hrehawm pawh tawh chang a awm thin avangin in pekna tak tak nena thawh a ngaih thu a sawi.
'Chanchinbu a chhuah a nih tawh chuan thubelh chian dawl leh rintlak ngei ni tura beisei a nih thin avangin fimkhur tak leh uluk taka ziak a ngaih a vangin taima taka thawh ngai chi a ni' tih sawiin, Pu V. Zirsanga chuan, chanchinbu enkawltute pawhin tan la thar zel ula, Chanchinbu tha tak ni reng tur leh tluang taka chhuah zel turin a Editorial board te duhsakna ka hlan a che u. Chanchinbu enkawltute chu kan Ram leh hnam tan in pawimawh hle a, Ram leh hnam inpumkhatna tha zawk kan neih zel theih nana tan la zel tur leh Lai tawngin kan ramah hma a sawn zel theihna turin hna pawimawh tak thawktu tur in nihna hre rengin theihtawp chhuaha tan la zel turin ka chah duh bawk che u a ni, a ti.
Pu F. Rohnuna Vice Chairman ICF chuan inkhawm hi kaihruaiin, Revd EF Sangchem, Senior Vice President chuan hunserh a hmang a.Pu Vanlalthang, Executive Editor chuan Chanchinbu kal hmang tur leh chhuah an tum dante sawiin Pu Sailai R. Lahnim General Secretary ICF chuan, Chanchinbu chhuah an tum chhan leh a lo pianchhuah dante sawiin report tawi a pe bawk.
He programme-ah hian, Pu BN Thangpuia EM Art& Culture, Pu CL. Lianzuala, Dy. Chairman, Pu K. Hre Kung MDC te telin, Lai phuntungtu leh Association For Lai Language hruaitute pawhin thu an sawi bawk.
Vawiina tlangzarh tak The Lairam Times Editorial Board te chu a hnuaia mite hi an ni.
Chief Editor : L.Z. Ringlawt
Executive Editor : Vanlalthang
Type Setter : Ceu Bik Lian
New Reporters : Sui Tha, Hniang Chin, Bawi Ling
The International Chin Forum hruaitute :
Chairman : Alinery Lalngilneii, UK
Senior V. Chairman : Revd EF Sangcem, India
Vice Chairman : Dr Sawn Thuang Bangladesh
Vice Chairman : Dr Henry Siang Kung, Burma
Vice Chairman : Pu F. Rohnuna, India
General Secretary : Salai R. Lahnim, India
AGS : Revd K. Zawlremthang, Bangladesh
AGS : Revd Lai Cung, Burma
AGS : Pu Lalngaihzuala Fanchun, India
Treasurer : Revd H. Lalsangliana, India
Post a Comment