Rauthla, February 24, 2022 : Russia President Vladimir Putin-a chuan khawthlang ramte nena Ukraine chungchanga an ngaihdan in anlohnaah inbiakna neih a inpeih thu a sawi a. Amaherawhchu an ram tana hamthatna turah erawh a rilru thlak a tum lo a ti.
Nimina puala a thuchah sawiah President Putin-a chuan Russia chu inhawng tak leh inpawh tak chunga harsatna khirh tak takte chinfelna kawng zawng turin a inhawng reng a ni a ti.
Russia leh Ukraine inkar buaina kal zelah vawiin khan New Zealand sawrkar chuan an rama Russia palai Georgii Zuev a ko a, inbiakna hmanga Ukraine nen an inkar sawifel dan tur an sawipui a. Hetihlai hian Australia chuan President Putina advisor pariatte chu an chungah hrekna a lekkawh a. US Secretary of State Tony Blinken pawhin tun kara Russia Foreign Minister Sergei Lavrov nen an inbiakna tur chu Ukraine chunga Russia chet dan a duhloh zia lan tir nan a thulh a ni.
Post a Comment