Mamit, February 25, 2022 : Kumin kumtir January ni 2 atanga chin hriat loh a bo Johny Zoparliana 4th IR ruang chu nimin khan hmuh a ni.
Pu Johny Zoparliana ruang hi nimin chhun dar 1 leh a chanve khan Mamit Luangpawl ram chhung Khiangthelh lui hnar peng, pu Malsawma huan ramah hmuh a ni a, a ruang hi ram vak ten an hmu a ni.
Pu Johny Zoparliana ruang hi a chhe tawh hle a, a ruang hi Luangpawl Khawtlang, 4IR leh police ten kawngpuiah la chhuakin Mamit district Hospital ah a ruang hi post-mortem tur a lak a ni a, hemi hnu hian an khua Zemabawk North ah phurh a ni.
Pu Johny Zoparliana hi 4th IR bn hqr driver niin tun kumtir January ni 2 khan 4IR bn hqr Luangpawl atangin a bo va, khawtlang huap a ni 7 zawn lo ni tawh a ni.
Post a Comment