Lungtian, February 10, 2022 : Cheng Nuai 106 senga sak zawh tak Gov't. Modern High School Lungtian building thar chu vawiin February10, 2022 khan Lawngtlai East Bialtu MLA Pu H. Biakzaua, Vice Chairman, Agriculture Development Board, Gov't of Mizoram chuan a hawng.
Vawiin vek khan Gov't. Modern High School Lungtian kum 50 na, Golden Jubilee lawmna chu School building thar hawn rualin ropui taka hman nghal a ni.
He hunah hian Pi S. Hmingsangberi (W/o Pu H. Biakzaua, MLA) bakah Lai Autonomous District Council aṭangin Pu te ; JB Vanhoy, Executive Member LADC, BN Thangpuia, Executive Member LADC, C. Rongura Executive Member LADC, C. Lallianzuala, Deputy Chairman, LADC, MC Sanghuliana Chairman Town Committee, Manghmung Chinzah, MDC LADC, Pu K. Hrekung, MDC LADC, Pu Lalramfawna MDC LADC ten Lawngtlai East Bialtu MLA Pu H. Biakzaua hi an ṭawiawm a ni.
Gov't. Modern High School Lungtian building nuai 106 senga sak hi Lushai Hills Engineer Pvt. Ltd. ten thawkin chhawng hnih a sak a ni a. Gov't Modern High School Lungtian hi Kum 1970 khan din ṭan niin kum 2003 aṭang khan Mizoram Sorkar hnuaiah a lut a ni.
Post a Comment