Aizawl, February 11, 2022 : Mizoram Director General of Police (DGP) thar Pu Devesh Chandra Srivastava, IPS chuan nimin khan Mizoram Larsap Dr. Hari Babu Kambhampati chu a Pisa Raj Bhawan-ah hmuin inkawmhona hun tha tak a nei.



Larsap Dr. Hari Babu Kambhampati chuan DGP thar chu duhsakna hlanin Mizoram a awm chhungin theihtawp chhuahin Mizoram leh mipuite tan hna thawk turin a chah a. Larsap chuan Mizoram chu India rama state ralmuang berte zing a mi ni mahse ram pahnih, Myanmar leh Bangladesh in a karcheh avangin Police chuan Assam Rifles leh Border Security Force te nen thawhhona tha tak neiin venhimna hna an thawk thin tih a sawi a, chu chu tha taka chhunzawm zel turin DGP chu a chah a ni.

DGP thar Pu Devesh Chandra Srivastava, IPS hi AGMUT cadre niin 1995 IPS batch a ni a. Tun hi Mizorama a vawikhat awmna tur niin Arunachal Pradesh leh Delhi ah te nihna pawimawh tak tak te a lo chelh tawh thin a ni. Mizoram DGP a ruat a nih hmain Delhi Police ah Special Commissioner of Police, Crime Branch leh Economic Offences Wing a ni. 

Post a Comment

Powered by Blogger.