Rauthla 25.Feb,2022 : Lawngtlai District chhunga Myanmar raltlante tana dan lam pawimawh inzirtirna (legal awareness campaign) chu February ni 14 - 18 inkar chhung khan Kawlchaw West, Sihtlangpui, Chawntlangpui, Saikah L, Saikah U, Paithar, R. Vanhne & Rulkual khuaah te hlawhtling taka kalpui a ni.
Legal awareness campaign kalpui tur hian resource person pali awmin, Team 2-ah an inthen a. Team 1-ah Lawngtlai SDPO Pu Beimosia Lapi leh District Court Lawngtlaia Advocate Pu C. Lalrinfela te awmin, Arms Act, 1959 leh Indian Penal Code (IPC) chungchang an zirtir a. Team 2-ah Lawngtlai DCPO Pi Mary Lalremruati leh Lawngtlai BDO Pu Lalthakima Chhangte te awmin, Child Protection & Safety, the Mizoram (Containment and Prevention of the Spread of COVID-19) Act, 2020 leh State/District SOP on COVID-19 chungchang te an zirtir ve thung a ni.January ni 27 leh February ni 4, 2022 inkar chhung khan Lawngtlai khawpui chhunga Myanmar raltlante tan legal awareness campaign hi buatsaih a lo ni tawh bawk a. Resource person ruat sa leh bialtu Zonal Officer-te'n zirtirna hi an pe a. Sangau Sub-Division huam chhunga raltlan awmna hmunahte pawh dan lam zirtirna hi kal chhohpui tura ruahman mek a ni bawk.
Post a Comment