Rauthla, February 26, 2022 : February 24 & 25, 2022 khan Lai Autonomous District Hqrs : Lawngtlai chuan hruaitute Tuichhak tlangdung an fang a, he hunah hian Pu F. Rohnuna, Ex-CEM leh a Team te chuan Lungzarhtum, Bualpui (Ng), Vawmbuk, Tialdawngilung leh Archhuang khuate an tlawh.



Pu F. Rohnuna Ex-CEM chuan Laifa te chu hnamah kan chian a ngai a ti a, kan ram siam tha tur hian keimahni kan pawimawh a, kan harhchhuah a hun tawh a ni a ti a, kan ram leh hnam din chhuah theihna turin Pathianin Central BJP hmangin nasa takin hna a thawk a ni a ti. Tun hma chuan BJP hi kan Sakhuana nena in mil lo tih a ni thin a, mahse, tunah chuan khatiang ngaihdan ang ngawt kha ni tawh lovin, Prime Minister Narendra Modi kaihhruaina hnuaiah Democracy ram kan nih angin zalen takin kan awm mek a ni. Kristian tan BJP hi thil hlauhawm a ni lo, nisela chuan keini pawh hi kan awm lovang. Pathianin kan ram leh hnam tundin hi a tum a, MNF leh Congress atangin engmah beisei tur kan nei lo. Tun dinhmunah chuan BJP sawrkarah bak heng kan duh leh mamawh te hi beiseina tur a awm lo a ni a ti.

Sixth Schedule Ammendments chungchang sawiin Pu F. Rohnuna chuan Lairam mipui ten kan nghahhlelh em em Sixth Schedule Ammendments chu central sorkarin min tihhlawhtlin sak ngei dawn a ti a. Chu thil lo thleng tur atan chuan keini pawh kan lo inbuatsaih a, ram leh hnam hmangaih chunga kan hma lam hun kan ngaihtuah reng a ngai a ni a ti. MNF, Congress etc. ah hian engmah beisei tur kan nei lo a, chuvangin, kan ram leh hnam a dinchhuah theih nan BJP  ah hian nghet takin kan awm a ngai a ni a ti a. Central BJP hruaitute hian thil tam tak min tiam a, an tihlawhtling ngei dawn bawk a ni. Chuvangin, BJP ah hian kan ram leh hnam tan damna leh dinchhuahna a awm tih hi kan hriat theuh a ngai a ni a ti bawk.

Post a Comment

Powered by Blogger.